نصيحة [طخ ابوك وامك على مسؤوليتي]

مرحبا يخو ::
هلا يختي :: سوي سيشوار وتعالي ::
سيداتي انساتي لحفاتي مخداتي جيراني ::
:: طبعا كلنا عارفين كيف الولد بحترم ابوه والام بتحترم ابنها وماشاءالله ::
حدس ولا حرج يخو ::
هادا اشي مش جديد علينا لمن الابو بزعق على ابنو ::
مع انه علي الطلاق قرفونا حياتنا ::
خود يخو اقبض :: قبضت طيب ديني عشرين شيكل لاخر السنه ::
عنا يخوي الي بسير انه الابو بزعق على ابنه كيف بزعق ع ابنو ::
تعال ولا ::
ابنو نعم يابا ::
بتلاقي ابوه بقلوا نعامه ترفصك تعال ولا ::
الولد بقلوا ايش سويت انا ::
الابو ماشاء الله عليه سواك عارض يمزع رقبتك مزع ::
الولد اييييييييش فيه ::
بتنط الام :: شاوي يشوي عضمك :: رد على أبوك بأدب :ص6:
الولد : هوا انا حكيت اشي ::
الابو يحكحك جنابك اوقف عدل يا حيواااااااان ::
الولد حاضر يابا ::
بتنط امو :يحضروا على قبرك ان شاء الله :: لما ابوك بحكي انت بتسكت ::
الولد بقلهم انا أخرس ::
الابو بقلوا اه اخرس ان شاء الله خرسة بتخرسك ::
الابن ماااااشي ::
الام : يجيك مشمش بركبك ان شاء الله ما تقوم منه ::
الولد : مشمش :: ايش هادا المشمش ::
الابو : اما انك قليل حيا صحيح :: وبترد على امك كمان ::
هات العصاي وتعال ولا ::
الولد انا رديت على امي :: يمه احكيلك كلمة ::
امو : موا يمزع نيعك مزع ولا :: حكيتلك اخررررس ::
الابو : اما جيل بالصلاة ع النبي :ص6: احكي ولا مالك انخرست ::
الولد : ايش احكي ازا حكيت بتقولو عني قليل حيا وبتشوفوني غلط ::
الام بتقلوا ههههه حية تقرصك ان شاء الله قلتلك اتادب وانت بتحكي مع ابوك ::
الابو ايش شايفنا غلط هاي شايفنا حول ولا عميان ::
الولد لا اله الا الله ::
الام الله يوخدك ان شاء الله ياريتني خلفت ابن الجيران ولا انت ::
الابو والله ما انا عارف وقتيش بدو يسير زلمة هادا الولد دايما فاضحني بين الرجال ::
الولد - طيب ايش اسوي علشان تشوفني زلمة ::
الابو \ قلتلك اخرس ولا ::
الولد صار يلطم ههههه يالله يالله يا جماعه ايش مالكم ::
الام اه صحيح انت ليش ناديت على الولد يا زلمة :ص6:

الابو -_- بتسدقي انه نسيت يا وليه نساني ايش بدي احكيلوا هالكلب :ملل:
روح انقلع على غرفتك
علي الطلاق اشي بحير وبقرف لو ابوي هيك لاسلخو طلقين واكسب فيه أجر ::
تحياتي يا اخر غرفة بحياتي :ص6:
مختار المنطقة أبو شاكوش ::